E aquí vos deixamos un vídeo coas postais feitas polos nenos e nenas coas que decoramos o corredor principal do cole. A que están xenial!?
FELICES FESTAS A TOD@S!
Este blog pretende ser a xanela que amose ao mundo o que acontece no CEIP Santa Eulalia de Dumbría... Un espazo no que, tanto alumnado como profesorado, iremos contando que é o que pasa no cole.
mércores, 23 de decembro de 2015
martes, 22 de decembro de 2015
Festival Benéfico e Plurilingüe de Nadal
Aquí vos deixamos, despois dun longo e duro proceso de montaxe o vídeo coas fotografías do festival. Había máis de cinco centas fotos e o vídeo ao principio duraba máis dunha hora! Logramos reducilo a uns vintecinco minutiños... e esperamos que non teña moitos fallos! Disfrutádeo!
Queremos aproveitar este momento tamén para dar as grazas.
-Grazas aos nenos e nenas do cole de Dumbría, sodes estupendos, e sen vós isto non sería posible.
-Grazas ás familias que viñéstedes ver o festival e que nos acompañades cun gran soriso durante todo este proceso, que nos comprendedes, que nos apoiades, e que non dubidades nin un só momento das nosas boas intencións.
-Grazas aos tod@s os que vos achegástedes cos vosos alimentos, ou os que non podiades vir e nolos fixéstedes chegar igualmente. Grazas a iso haberá familias que teñan de seguro unhas mellores festas.
-E un GRAZAS moi especial ao concello de Dumbría, que non só nos facilitou a pedazo casa da cultura de Olveira, senón que tamén nos transportou ata alí varias veces, nos levou os materiais que non nos collían nos coches e puidemos contar con parte do seu persoal que nos facilitou moitísimo o traballo e sen eles non sería posible: Ana e compañía, MOITÍSIMAS GRAZAS!
P.D.: Á volta das vacacións procuraremos subir tamén algún vídeo, mais a nosa cámara quedou sen bateria mentres estaba a discurrir o festival, a ver se algunha mamá ou algún papá nos puidera pasar os vídeos que nos faltan... á volta dirémosvos cales son. Moitas grazas anticipadas!
Queremos aproveitar este momento tamén para dar as grazas.
-Grazas aos nenos e nenas do cole de Dumbría, sodes estupendos, e sen vós isto non sería posible.
-Grazas ás familias que viñéstedes ver o festival e que nos acompañades cun gran soriso durante todo este proceso, que nos comprendedes, que nos apoiades, e que non dubidades nin un só momento das nosas boas intencións.
-Grazas aos tod@s os que vos achegástedes cos vosos alimentos, ou os que non podiades vir e nolos fixéstedes chegar igualmente. Grazas a iso haberá familias que teñan de seguro unhas mellores festas.
-E un GRAZAS moi especial ao concello de Dumbría, que non só nos facilitou a pedazo casa da cultura de Olveira, senón que tamén nos transportou ata alí varias veces, nos levou os materiais que non nos collían nos coches e puidemos contar con parte do seu persoal que nos facilitou moitísimo o traballo e sen eles non sería posible: Ana e compañía, MOITÍSIMAS GRAZAS!
P.D.: Á volta das vacacións procuraremos subir tamén algún vídeo, mais a nosa cámara quedou sen bateria mentres estaba a discurrir o festival, a ver se algunha mamá ou algún papá nos puidera pasar os vídeos que nos faltan... á volta dirémosvos cales son. Moitas grazas anticipadas!
xoves, 17 de decembro de 2015
Día de festa!!
Hoxe foi un duro día de traballo, pola mañán, estrés e moitos, moitos nervios. Aínda que tamén houbo moitos sorrisos e moita ilusión por ensinar mañán aos demais o traballo realizado por estes gran pequenos e pequenas.
Dende aquí temos que dar grazas a estes nenos e nenas do colexio Santa Eulalia que sempre están dispostos a colaborar en todo cun sorriso. Da gusto traballar con eles!
Pola tarde, tivemos a sorte de contar ca visita de Papá Noel e de antiguos alumnos do cole.
Pasámolo xenial!!
Ensinámosvos unha pequena mostra da tarde de hoxe.
Agora a repoñer forzas para mañán!!
martes, 15 de decembro de 2015
Vai vir Papá Noel!
O vindeiro xoves día 17 teremos no cole a visita de Papá Noel. E como no magosto sabemos que aos nenos e nenas que estades no instituto vos quedou moita pena por non poder vir, estades invitados a vir pola tarde! Esperámosvos cos brazos abertos!
Dende aquí tamén vos pedimos que lle pasedes a información aos vosos compañeiros... non queremos que quede ninguén sen enterarse!
luns, 14 de decembro de 2015
Luns de Zumba!
Como xa sabedes, os luns os nenos e nenas do cole teñen a opción de ir a clases de Zumba, organizadas pola ANPAs. Aquí vos deixamos unhas fotos e un pequeno vídeo do primeiro día de clase!
mércores, 9 de decembro de 2015
Excursión ao "Dolmen de Dombate"
Ola a tod@s! Recordámosvos, por se hai algún despistado, que mañán non haberá cole, así que non veñades por alí que os profes non imos estar!
E ademais, o venres todo o cole irá de excursión ao "Dolmen de Dombate" en Cabana de Bergantiños. Será en horario escolar (de 10:00 a 16:30) e irán acompañados polo profesorado do centro.
Recordade que os nenos e nenas terán que levar a comida!
Ademais en meteogalicia dan un día estupendo, así que esperamos poder aproveitar o día ao máximo!
Campo a través Cee
Magníficos
resultados acadados polos nosos atletas nas probas de campo a través que se
celebraron en Cee o venres 4 de decembro. Dos 26 atletas que participaron, 14 pasan á seguinte proba que se celebrará o 29 de xaneiro en Porto do Son. Noraboa a tod@s!
mércores, 2 de decembro de 2015
Memorias dun neno labrego.
"Eu son Balbino. Un rapaz de aldea. Coma
quen dis, un ninguén. E ademais, pobre."
Estas son as primeiras verbas do libro "Memorias dun neno labrego", que seguro lestedes a maioría de vós.. É unha obra maestra da literatura galega, o máis lido de toda a nosa literatura e foi traducido a moitísimos idiomas (castelán, inglés, italiano, alemán, chinés, ruso...). Mais o seu autor, Xosé Neira Vilas, xa non poderá escribir máis obras coma esta, pois desgraciadamente finou na tarde do venres 27.
Estas son as primeiras verbas do libro "Memorias dun neno labrego", que seguro lestedes a maioría de vós.. É unha obra maestra da literatura galega, o máis lido de toda a nosa literatura e foi traducido a moitísimos idiomas (castelán, inglés, italiano, alemán, chinés, ruso...). Mais o seu autor, Xosé Neira Vilas, xa non poderá escribir máis obras coma esta, pois desgraciadamente finou na tarde do venres 27.
Foise un dos bos e xenerosos, unha persoa
comprometida co noso idioma; unha persoa que che abria as portas da súa casa
simplemente a cambio de falar longo e tendido; unha persoa que vivía por e para
a nosa cultura; unha persoa que non dicía que non ás propostas de achegarlle á
literatura aos nen@s e aos moz@s.
E disto damos boa conta no noso cole, xa que fai uns anos tivemos o placer de contar con el nunha das "Semanas do Libro".
Xa era maior, e o profe Dani foi a buscalo e a levalo ata a súa casa, en Gres, Vila de Cruces (Pontevedra), e de seguro que podería contar moitas anéctodas desa viaxe, como por exemplo que quixo ir ver cómo estaba o mar co temporal en Cee para poder ensinarllo á súa sobriña, que tamén os acompañaba nesa viaxe.
Dende agora apreciaremos aínda máis, se cabe, a dedicatoria que nos escribiu o día que nos visitou e que temos colgada no corredor da pranta baixa do cole.
E disto damos boa conta no noso cole, xa que fai uns anos tivemos o placer de contar con el nunha das "Semanas do Libro".
 |
| Foto de arquivo: Revista escolar "Cousiñas". Edición 2011/2012. |
Xa era maior, e o profe Dani foi a buscalo e a levalo ata a súa casa, en Gres, Vila de Cruces (Pontevedra), e de seguro que podería contar moitas anéctodas desa viaxe, como por exemplo que quixo ir ver cómo estaba o mar co temporal en Cee para poder ensinarllo á súa sobriña, que tamén os acompañaba nesa viaxe.
Dende agora apreciaremos aínda máis, se cabe, a dedicatoria que nos escribiu o día que nos visitou e que temos colgada no corredor da pranta baixa do cole.
O único consolo que nos queda do seu
pasamento, é que alí onde estea, poderá unirse coa súa amada Anisia.
Que a terra che sexa leve, mestre!
Nin un biquiño á forza.
Como xa comentamos noutro post, os nenos e nenas de Infantil A estamos a traballar as emocións, e xa fai unhas cantas semanas vos contamos que estabamos traballando co libro "Nin un biquiño á forza". Pois agora deixámosvos aquí un vídeo coa nosa propia adaptación do conto, que realizamos para conmemorar o 25 de novembro. Esperamos que vos guste e que non teñades que recibir NIN UN BIQUIÑO Á FORZA!
luns, 30 de novembro de 2015
EL RETO QUIMIONS!
Unha vez rematados os nosos Quimions os nenos e nenas de Infantil foron ata a farmacia de Dumbría a entregalos.
Entregaron 63 bolsas de 500 ml feitas por todo o cole e as 5 bolsiñas de 100 ml realizadas por Maika e familia.
Unha mención especial ao farmaceútico Albino por tratarnos tan ben. Os nenos e nenas atan recibiron agasallos!!
Aquí vos deixamos un vídeo cas cartas que lles escribimos aos nenos e nenas do hospital materno da Coruña e tamén ca nosa visita á farmacia de Dumbría.
ESTIVEMOS ENCANTADOS DE PARTICIPAR NESTE GRAN RETO!!!
domingo, 29 de novembro de 2015
RETO CONSEGUIDO!!
O CEIP Santa Eulalia de Dumbría elaborou 63 Quimions para cubrir os soros dos nenos e nenas do hospital materno que non están pasando por un momento doado.
Esperamos darlles unha pequena alegría e que mostren un sorriso grazas a nós.
Foi todo un pracer axudar nesta gran iniciativa!!
Noso colexio sempre estará disposto a axudar!!
RETO QUIMIONS CONSEGUIDO!!
QUIMIONS 4º de primaria
xoves, 26 de novembro de 2015
As dúas Marías
Para celebrar o día 25 de novembro no que se recordan as persoas vítimas da violencia de xénero, os nen@s de segundo curso recuperamos a historia das "dúas Marías" ou das "Dúas en Punto", que así era como as chamaban en Santiago.
Estas irmás, que realmente eran tres, sufriron o maltrato e abuso das autoridades da época da Guerra Civil, por pensar e ser diferentes.
Para concienciar aos nen@s vimos uns vídeos coa súa historia (podedes velos aquí e aquí) e fixemos un mural conmemorativo, coa esperanza de que ningunha muller máis sexa vítima de maltrato ou abuso.
Subscribirse a:
Publicacións (Atom)
