"Como cho digo" é unha plataforma a prol da visualización do uso do galego nos medios de comunicación. Aquí podedes ver un vídeo que da pensar. E vós, falades e escribides en galego? Nós si! Como cho digo!
mércores, 26 de marzo de 2014
martes, 18 de marzo de 2014
O mar na escola
Na mañá do luns o
alumnado de 6º, 4º e 3º de primaria
emprenderon a súa viaxe cara “O mar na escola”.
Despois de recibir na semana anterior unas clases de teoría sobre o que
ían aprender e facer, onte montaron no autobús cheos de ganas, nervios, inquedanzas
e, por qué negalo, algún medos.
Ao chegares ao seu
destino, os maiores que xa participaran nesta gran actividade no pasado curso,
estiveron practicando como remar, e despois montaron nos “kayak” pola ría de Corcubión.
Por outra banda, aos
nenos e nenas de 3º e 4º, estivéronlles
explicando diversidade de cousas necesarias para poder, posteriormente, montar
na lancha para axudar a montar o barco de vela e poñerse a navegar.
Pasárono en grande,
aínda que con algún que outro despiste debido á inexperiencia que seguro, nas
vindeiras ocasións, non ocorrerá!
Aquí vos deixamos unhas
cantas fotos!
xoves, 13 de marzo de 2014
Paleontólogos por un día.
Se lle preguntades
aos nenos e nenas de infantil qué queren ser de maiores … que non vos estrañe
que vos digan paleontólogos. Acaso hai algo máis emocionante, entretido,
xenial, que buscar restos de animais?
Precisamente foi a
iso ao que dedicamos a tarde do martes, a desenterrar ósos de dinosauros que
apareceron no patio do cole. Axudados dun mapa e de boas ferramentas, os
pequenos e pequenas do cole mergulláronse nesta interesante aventura. Que ben o
pasamos! E dígoo en plural, porque as profes tamén o pasamos moi ben!
Aquí vos deixamos a
reportaxe fotográfica!
mércores, 12 de marzo de 2014
martes, 11 de marzo de 2014
luns, 3 de marzo de 2014
Aberto o prazo de matrícula para o curso 2014/2015
Ponse en coñecemento de tódolos pais, que desde
o día 6 ATA O 26 DE MARZO permanecerá aberto o prazo de
matrícula no C.E.I.P. Santa Eulalia de Dumbría para o
curso 2014/2015.
A
matrícula formalizarase no horario
de Secretaría (12:10 – 13:00 horas), aportando a seguinte
documentación:
§
Instancia de solicitude,
debidamente cumprimentada (recoller no colexio).
§ Fotocopia do DNI dos pais
§
Fotocopia das páxinas do Libro de
Familia cos datos dos pais e do/a
alumno/a.
§
Fotocopia da cartilla de vacinación.
§
Fotocopia da tarxeta sanitaria.
§ Certificado de empadroamento, que deberá
solicitar no concello.
Dumbría, 27 de febreiro de 2014.
O DIRECTOR
Asdo.: Emilio
José Díaz Rodríguez
sábado, 1 de marzo de 2014
Fin de Antroido
Onte chegou a Dumbría o final do Antroido…
pero so no cole, agora temos uns cantos días para seguir disfrutando del!
Deixámosvos
algunhas fotos do venres, onde podedes ver a indios e vaqueiros, asiáticos,
romanos e mexicanos. E a verdade e que ían todos guapísimos!
E despois de pasear por toda a vila, a
comer chocolate con doces de Antroido, que o tiñamos ben merecido!!
Tamén lle dimos fin ao noso querido meco… e algún de nós pasámolo algo mal pensando que podía arder a escola! Menos mal que co día que estaba non había ningún tipo de perigo!
Dende aquí queremos agradecervos a tod@s os que nos acompañastes neste día a vosa presenza, así como a colaboración da ANPA na tradicional chocolatada.
E como no día de onte houbo moitos “paparazzi” animámosvos a que compartades connosco as fotos que vós sacastes; podedes enviárnolas a santaeulaliadedumbria@gmail.com e despois faremos unha recompilación que vos amosaremos!
Saúdos para todos e a disfrutar de Don Carnal!
Subscribirse a:
Publicacións (Atom)