Día mundial da poesía

Hoxe, 21 de marzo, celébrase o día mundial da poesía. E tradicionalmente tamén é o inicio da primavera. Por iso queremos partillar con vós este poema de Manuel María, poeta ao que se lle adicará este ano o día das Letras Galegas.

-O cuco-

O cuco, cuco, cuqueiro.

O cuco, cuco, cucón.

 ¡Madrugón e cantareiro!

 ¡Cantareiro e madrugón!

Óise pola carballeira

 o vello cuco souril

 ó nacer a Primaveira

entre o Marzo e o Abril.

 ¡O vello cuco, cucou

 e moito máis cucará!

 ¡O cuco non me capou

e nunca me capará!

Polas mañás ben cediño

o cuco canta "cú-cú".

 ¡Como o teño por veciño

 eu trato ao cuco de tu!

E para ilustralo fixemos estas dúas nubes de palabras, onde podedes observar ao cuco cheo das verbas deste fermoso poema! Cal vos gusta máis?

E que, por Dumbría sentiuse xa o Cuco?